PARIWARA

 

Wara-wara (pengumuman) yaiku salah sawijining wujud pawarta utama laying / nawala (surat) kang katujokake marang umum. Mula, wara-wara iku warta kang asipat ora resmi. Surasane ora ana kang disingidake kabeh kang dikarepke diblakakake. Wara-wara iku nggone gawe kudu isa narik kawigaten marang kang bakal maca / ngrungokake, mula kudu cekak aos, lan cetha. Malah anggone gawe wara-wara uga kudu isa kreatif dan inovatif.

           Perangane wara-wara ora ganep kaya laying liyane, watone sapa kang gawe, katujokake marang sapa, lan surasane apa wis cetha isa diwartakake. Perangan wara-wara iku: adangiyah, pambuka, surasa basa / isi, wasana basa / panutup, papan lan titimangsa, peprenah, lan asma terang.

       Jinis-jinise wara-wara iku maneka warna, ing antarane kayata wara-wara, pariwara / iklan, brosur, pamphlet, lelayu, baliho, kampanye, lan sapanungalane. Mula, wara-wara iku biyasane dipapanake ana ing papan kang gampang diwaca utawa dingerteni dening umum. Tuladhane wara-wara tinulis dipajang ing pinggir rattan utawa malah malang rattan gedhe. Wara-wara iku di wartakake isa lumantar tulisan utawa lesan. Dene wara-wara kang isa dirungokake iku lumantar radhio utawa televisi.

Pangertene pariwara/iklan

Pariwara/iklan iku sawijining pesen babagan barang/jasa (produk) kang digawe dening prodesen kang diandharake lumantar media (cetak, audio, elektronik) utawa papan panggonan umum kang ditujokake marang bebrayan agung. Ancase pariwara iku supaya masarakat kesengsem gelem tuku utawa nggunakake barang utawa jasa kasebut.

Ancas pariwara yaiku :

a.       Menehi ngerti masarakat

b.  Ngajak masarakat supaya tuku utawa nggunakake produk kasebut 

Pariwara  nduweni paugeran, yaiku:

a.    Pariwara migunaake media massa kanggo masifikasi layang.
b.    Migunaake sponsor sing wes teridentifikasi.
c.    Nduweni sifat menehi informasi marang khalayak.

d.   Nduweni tujuan kanggo ngentokno audiens seakeh-akehe.

Perangan pariwara/iklan

Bab kang kudu digatekake nalika gawe pariwara yaiku :

a.       Ukarane cekak lan aos (singkat jelas)

b.  Basa kang digunakake isa dingerteni utawa ora mbingungake (komunikatif)

c.       Tulisan lan gambare narik kawigaten

 

Unsur-unsur pariwara/iklan

Unsure iklan ing antarane kayata :

a.       Jeneng barang/jasa kang ditawakake

b.      Alamat produsen

c.    Kahanan barang/jasa kang ditawakake, lsp.

 

Jenis-jenise pariwara, yaiku :

1.      Pariwara/iklan

a.       Iklan Informatif

Iklan informatif yaiku, iklan kang nduweni paugeran :

·   Nduweni tujuan mbentuk kesadaran lan pengetahuan bab produk utawa fitur-fitur saka produk kang wes ana.

·     Njelasno cara kerja produk.

·    Menehi infrmasi harga lan kemasan produk

·   Ngoreksi produk

Tuladhane iklan informatif yaiku iklan hp Sony Ericsson Z550i, iklan Dji Sam Soe, iklan Coca Cola.

b.      Iklan Persuasif

Iklan persuasif nduweni paugeran,yaiku :

· Nduweni tujuan nyiptakno kesenengan, preferensi lan keyakinan, sahinggo konsumen arep tuku lan migunaake barang lan jasa.

·  Nganjurno khalayak milih merk tertentu.

·         Nganjurno kalayak tuku.

·         Ngubah persepsi konsumen.

·         Mbujuk khalayak tuku saiki.

Tuladhane iklan persuasif yaiku, iklan Samsung Slim Fit T, iklan Canon Printer PIXMA iP1200.

c.       Iklan reminder

Iklan reminder nduweni paugeran, yaiku :

·   Nduweni tujuan ndorong konsumen tuku maneh barang lan jasa.

· Ngilingno konsumen tuku produk iku.

·    Njaga kesadaran produk.

· Njalin hubungan apik karo kosumen.

Tuladha : iklan Vita Zone, iklan Hotel Santika Malang, iklan Simpati Jitu.

 

2.      Iklan umum

a.         Iklan Tanggung Jawab Sosial

Iklan tanggung jawab sosial, yaiku iklan kang nduweni tujuan nyebarno pesan kang nduweni sifat informatif, penerangan, pendidikan supaya mbentuk sikap warga, sahinggo nduweni tanggung jawab marrang masalah sosial. Tuladha : iklan anjuran, lan iklan penggambaran sosial.

b.         Iklan Bantahan

Iklan bantahan yaiku iklan kang digunakake mbantah utawa nglawan isu kang nggawe rugi dan ndandani citrane wong, perusahaan utawa merek kang tercemar amarga informasi kang ora bener. Ciri khas iklan iki yaiku ndheleh komunikator  gawe pihak kang teraniaya utawa digawe rugi pihak liya. Tujuan iklan bantahan yaiku: ngilimisi iklan kang ora bener lan ora nguntungno; nglurusno isu ing porsi kang bener, sesuai karo maksud perusahaan; mbangun simpati khalayak; mbangun opini publik menawa perusahaan ana ing posisi kang bener.

c.         Iklan Pembelaan

Iklan pembelaan yaiku ‘lawan’ saka iklan bantahan. Tujuan saka iklan iki yaiku supaya oleh simpati saka khalayak menawa perusahaan ana ing posisi kang bener. Tuldhane yaiku iklan kang kaiket karo hak paten.

d.        Iklan Perbaikan

Iklan perbaikan yaiku iklan kanggo mbenakno layang-layang  bab hal kang wes kahung keliru lan disebarake nganggo media. Istilah lain iklan iki yaiku iklan ralat utawa iklan pembetulan. Iklan iki nduweni tujuan kanggo ngralat informasi sing keliru, sahinggo publik tetep oleh informasi kang bener.

e.         Iklan Keluarga

Iklan keluarga yaiku iklan kang isi layang-layange  pemberitahuan saka pengiklan bab kedadiane peristiwa kekeluargaan marang keluarga/khalayak lainne. Iklan keluarga biasane luwih akeh rupa iklan kolom lan display, ora akeh nduweni isi ilustrasi gambar, lan luwih ngandalno layang tulis. Tuladhane yaiku iklan bab kematian, pernikahan, wisuda, lan liya-liyane.

 

3.      Iklan khusus

a.         Iklan kang nganggo dasar media kang digunakake :

§   Iklan Cetak yaiku iklan kang digawe lan dipasang karo migunakake teknik cetak.

Tuladhane, yaiku: iklan cetak surat kabar, iklan cetak baliho, iklan cetak poster, iklan spanduk, lan liya-liyane.

§   Iklan Elektronik yaiku iklan kang dipasang ing media kaya radio, lan TV.

b.         Iklan kang nganggo dasar tujuan iklan :

§   Iklan Komersial yaiku iklan bisnis kang nduweni tujuan kanggo ngentokno keuntungan ekonomi. Iklan komersial dibagi dadi telung jenis iklan, yaiku iklan kanggo konsumen, kanggo bisnis lan iklan kanggo profesional.

§   Iklan Non Komersial yaiku iklan kang digunakake kanggo nyampekake informasi, ndidik khalayak.

c.         Iklan kang nganggo dasar bidang isi layang :

·         Iklan Politik.

·         Iklan Pendidikan.

·         Iklan Kesehatan.

·         Iklan kecantikan lan perawatan tubuh.

·         Iklan Pariwisata.

·         Iklan hiburan.

·         Iklan Olah Raga.

·         Iklan Hukum.

· Iklan Lowongan Pekerjaan / Recruitment.

·         Iklan Duka Cita.

·         Iklan Perkawinan.

·         Iklan panganan lan ombean.

·         Iklan Otomotif.

·         Iklan lingkungan Hidup.

·         Iklan Media.

d. Iklan kang nganggo dasar komunikatore

·         Iklan Personal.

·         Iklan Keluarga.

·         Iklan Instusi.

e.         Iklan kang nganggo dasar cakupan

§  Iklan Lokal yaiku iklan kang cakupan khalayak sasaran kang dituju ana ing wilayah lokal, kayata pedesaan utawa perkotaan, utawa kabupaten.

§  Iklan Regional yaiku iklan kang cakupan khalayak luwih saka siji wilayah lokal.

§  Iklan Nasional yaiku iklan kang target konsumen ana ing kabeh wilayah negara.

§  Iklan Internasional yaiku iklan kang mbidik khalayak kang njangkau trans nasional utawa luwih saka siji negara.

f.          Iklan kang nganggo dasar fungsi

§  Iklan Informasi yaiku iklan kang nitik beratke isi kanggo  informasi kanggo khalayak.

§  Iklan Persuasi yaiku iklan kang nitik beratke ing upaya ngaruhi khalayak kanggo nglakokake penggawean.

§  Iklan mendidik yaiku iklan kang nitik beratke ing tujuan ndidik khalayak, supaya khalayak ngerti lan nduwe pengetahuan.

§  Iklan Parodi/Hiburan yaiku iklan kang digawe kanggo keperluan guyonan.

 

SESORAH

1.  Pengerten sesorah

Sesorah yaiku micara neng sangarepe wong akeh kanthi ngandharake sawijining panemu, gagasan, pamikir, lan sapanunggale.

Manut tujuane sesorah dibagi dadi 3 :

1.    Kanggo paring informasi.

2.    Kanggo hiburan

3.    Kanggo mbujuk pamireng.

 

2.  Perangan sesorah

a.       Satata Basa/ Salam pambuka

Isine salam pambuka, asung pakurmatan, lan ajak-ajak tansah atur puji sokur ing ngarsane Gusti Allah.

Tuladha :

Assalamu’alaikum Warahmatullahi Wabarakatuh

Mugi rahayu sagung dumadi. Kasarasan, kabagyan, lan kabegjan mugi tansah kasalira kita sedaya awit rahmmatipun Gusti Allah. Ingkang tuhu sinudarsana para pangemban praja ing Desa Sidowara, Ibu-Ibu PKK tingkat Desa Sidowaras ingkang satuhu binekten. Murwani atur kula, mangga kula dherekaken mawantu-wantu ngonjukaken puji sukur dhumateng ngarsanipun Gusti Ingkang Murbeng Dumadi. Dene kula lan panjenengan sedaya dinten menika pinaringan bagas waras mila saged rawuh ing kempalan dinten menika.

b.      Purwaka basa/ pambuka

Isine pambuka kanggo lambaran/ dhasar isi sing arep diaturaka.

Tuladha :

Ing pepanggihan menika kula badhe matur sekedhik bab sesakit Ebola ingkang dinten samangke ngrenggani maneka warni kalawarti. Sesakit Ebola limrah kasebat EVD (Ebola virus Disease) utawi EHF ( Ebola Hemorrhagic Fever). Penyakit menika mbebayani sanget tumraping manungsa ngantos nuwuhaken raja pejah ingkang nggegirisi. Kanamakaken Ebola amargi wiwitipun sesakit menika wonten ing sakering kananipun Bengawan Ebola ing nagari Kongo. virus menika katemokaken sepisanan rikala taun 1976.

c.       Surasa Basa/ Isi

Isine ngenani intining sesorah.

Tuladha :

Para rawuh ingkang kinurmatan.

Sesakit menika kawiwitan kalih dinten ngantos tigang minggu sasampunipun tiyang kaserang virus menika kanthi tandha-tandha (gejala) ndhrodhog (demam), sakit ing gurung (tenggorokan), sakit ing otot bayu (nyeri otot), lan sakit ing sirah. Umumipun kasusul mungkug-mungkug (mual), muntah, lan mencret (diare), ugi sudanipun kriyanipun manah (lever) tuwin ginjal. Dumugi trap-trapan menika tiyang ingkang kenging Ebola lajeng ngalami pendarahan.

Ibu-ibu tuwin para lenggah ingkang minulya.

Manawi wonten sanak kadang tuwin tanggi ingkang ngalami tandha-tandha kados andharan kula kalawau, enggal-enggal tindak dhateng dhokter utawi puskesmas sacelak panjenengan supados pikantuk usada. Ngengingi sesakit Ebola dinten menika dumados kados pageblug ingkang nggegirisi, mila mbetahaken upaya usada ingkang sanget mirunggan. Boten sedaya Puskesmas menapa dene griya sakit nyumadhiyakaken prabotan kangge penanganan medis. Para pangemban praja perlu enggal-enggal paring seserepan dhumateng warga ing bab panggenan pundi kemawon ingkang saged katuju saperlu pikantuk pitulungan ingakng samesthinipun saha sarikat-rikatipun.

d.      Dudutan/ Kesimpulan

Tuladha :

Para rawuh ingkang binekten.

Pranyata sesakit Ebola menika nggegirisi sanget akibatipun. Pramila mangga kita sami nyengkuyung supados sesakit Ebola menika boten ngengingi kulawarga kita sedaya. Kangge nyegah lan nyingkiri sesakit menika kita kedah ngudi usada ingkang saestu. Kita ugi kaajab sregep pados katerangan-katerangan ngengingi gegayutan kaliyan sesakit Ebola saking radhio, televisi, koran lan pepanggihan-pepanggihan kados mekaten menika.

e.       Wasana Basa/ Panutup

Tuladha :

Ingkang pungkasan, cekap semanten anggen kula matur. Atur panuwun kula ingkang tanpa pepindhan awit kawigatosan panjenengan sedaya. Nglenggana kathahing kekirangan wonten ing andharan menika, kula nedha agunging samudra pangasama. Pepuntoning atur kula, bilahittaufiq wal hidayah.

Wassalamu’alaikum Warahmatullahi Wabarakatuh

 

3.  Ancase sesorah

a.       Menehi informasi

b.      Menehi panglipur

c.       Menehi kabar lan pangajak

 

4.  Patrap/ sikap nalika sesorah

a.    Sarira / sikap kang kurang becik, antarane ngadeg kanthi :

u lelambaran sikil siji

u sikil rapet banget utawa mbegagah banget

u loyo/ ora semangat

u ora jejeg utawa dhoyong

u lendhehan papan micara/ mimbar/ meja

u kaku, kaya wong baris

u ora nggatekake tamu/ pamireng

u nyekel cagak mike

b.    Owah-owahan praen kang kurang mranani (ekspresi wajah) :

u guyu kang digawe-gawe

u kerep mesem kang digawe-gawe, mula kaya cengengesan

u tansah mbesengut

u tansah ndhingkluk utawa mengo

u gugup

c.    Owah-owahan sarira kang kurang mranani (gerak) :

u kerep mbanda tangan

u kerep kukur-kukur, ngukuri kuping utawa bathuk

u kerep ndeleng caathethan

u kerep nyekel mike

u nyoba mike kanthi disebul/ didamu

u tangan ana ing sajroning sak celana/ klambi

Supaya anggone sesorah bisa lancar lan narik kawigatene pamiarsa, sing kudu digatekake yaiku :

a.    Rileks, supaya suarane ora keprungu ndredeg

b.    Menawa ngecek mike aja disebul/ didamu, cukup kanthi dikethuk sepisan

c.    Nganggo basa kang sesuai/ jumbuh karo pamiarsane

d.   Cekak aos, ora mubeng-mubeng sing dingendikakake

e.    Wiramaning suara cetha lan dijumbuhake / disesuaikake karo kahanan

f.     Tutuk aja kecedhaken karo mike

g.    Suara ora perlu seru, nanging disesuaikake karo panggonan, pamiarsa lan kahanane

 

5.  Teknik membaca sesorah

Teknike wong maca sesorah ana 4 werna, yaiku:

1. Apalan

    Yaiku teknik maca sesorah kang dilakokake kanthi cara ngapalna teks sesorah.

2. Maca teks/naskah

    Yaiku teknik maca sesorah kang dilakokake kanthi cara maca teks sesorah kasebut.

3. Ekstemporan

    Yaiku teknik maca sesorah kanthi nganggo cathetan cilik kang isine pokok-pokok sesorah kang arep diaturake marang para pamirsa.

4. Impromtu

    Yaiku teknik maca sesorah kanthi dadakan utawa durung ngrancang cengkorongane sesorah sing arep diaturake marang pamirsa.

Nalika nindakake sesorah kang kudu digatekake :

u Sikep nalika sesorah. Yen sesorah karo ngadeg kudu jejeg (nanging ora kaku), ora mingsat-mingsut lan anteng. Yen karo lungguh kudu tegap (dhadhane dijokake), aja mbungkuk utawa miring. Angger neng pahargyan adat Jawa nalika ngadeg becike ngapurancang.

u Basa kang digunakake gampang dingerteni lan komunikatif

u Suara kudu ndeleng panggonan . Upama sesorah neng jero kelas aja nganti ngarep kebrebegen, nanging sing penting mburi bisa krungu kanthi cetha. Anggere neng lapangan kudu seru.

u Nggatekake tema kang jumbuh karo kahanan.

u Swasana utawa kahanan.

u Wektu

u Pamireng

6.  Tuladha Sesorah

Assalamu’alaikum Warahmatullahi Wabarakatuh

Mugi rahayu sagung dumadi. Kasarasan, kabagyan, lan kabegjan mugi tansah kasalira kita sedaya awit rahmmatipun Gusti Allah. Ingkang tuhu sinudarsana para pangemban praja ing Desa Sidowara, Ibu-Ibu PKK tingkat Desa Sidowaras ingkang satuhu binekten. Murwani atur kula, mangga kula dherekaken mawantu-wantu ngonjukaken puji sukur dhumateng ngarsanipun Gusti Ingkang Murbeng Dumadi. Dene kula lan panjenengan sedaya dinten menika pinaringan bagas waras mila saged rawuh ing kempalan dinten menika.

Ing pepanggihan menika kula badhe matur sekedhik bab sesakit Ebola ingkang dinten samangke ngrenggani maneka warni kalawarti. Sesakit Ebola limrah kasebat EVD (Ebola virus Disease) utawi EHF ( Ebola Hemorrhagic Fever). Penyakit menika mbebayani sanget tumraping manungsa ngantos nuwuhaken raja pejah ingkang nggegirisi. Kanamakaken Ebola amargi wiwitipun sesakit menika wonten ing sakering kananipun Bengawan Ebola ing nagari Kongo. virus menika katemokaken sepisanan rikala taun 1976.

Para rawuh ingkang kinurmatan.

Sesakit menika kawiwitan kalih dinten ngantos tigang minggu sasampunipun tiyang kaserang virus menika kanthi tandha-tandha (gejala) ndhrodhog (demam), sakit ing gurung (tenggorokan), sakit ing otot bayu (nyeri otot), lan sakit ing sirah. Umumipun kasusul mungkug-mungkug (mual), muntah, lan mencret (diare), ugi sudanipun kriyanipun manah (lever) tuwin ginjal. Dumugi trap-trapan menika tiyang ingkang kenging Ebola lajeng ngalami pendarahan.

Ibu-ibu tuwin para lenggah ingkang minulya.

Manawi wonten sanak kadang tuwin tanggi ingkang ngalami tandha-tandha kados andharan kula kalawau, enggal-enggal tindak dhateng dhokter utawi puskesmas sacelak panjenengan supados pikantuk usada. Ngengingi sesakit Ebola dinten menika dumados kados pageblug ingkang nggegirisi, mila mbetahaken upaya usada ingkang sanget mirunggan. Boten sedaya Puskesmas menapa dene griya sakit nyumadhiyakaken prabotan kangge penanganan medis. Para pangemban praja perlu enggal-enggal paring seserepan dhumateng warga ing bab panggenan pundi kemawon ingkang saged katuju saperlu pikantuk pitulungan ingakng samesthinipun saha sarikat-rikatipun.

Para rawuh ingkang binekten.

Pranyata sesakit Ebola menika nggegirisi sanget akibatipun. Pramila mangga kita sami nyengkuyung supados sesakit Ebola menika boten ngengingi kulawarga kita sedaya. Kangge nyegah lan nyingkiri sesakit menika kita kedah ngudi usada ingkang saestu. Kita ugi kaajab sregep pados katerangan-katerangan ngengingi gegayutan kaliyan sesakit Ebola saking radhio, televisi, koran lan pepanggihan-pepanggihan kados mekaten menika.

Ingkang pungkasan, cekap semanten anggen kula matur. Atur panuwun kula ingkang tanpa pepindhan awit kawigatosan panjenengan sedaya. Nglenggana kathahing kekirangan wonten ing andharan menika, kula nedha agunging samudra pangasama. Pepuntoning atur kula, bilahittaufiq wal hidayah.

Wassalamu’alaikum Warahmatullahi Wabarakatuh